डॉ. अर्चनाताई पाटील चाकूरकर यांनी मॉर्निंग वॉक करीत साधला नागरिकांशी संवाद

लातूर / प्रतिनिधी : भाजपा महायुतीच्या लातूर शहर मतदार संघातील उमेदवार डॉ. अर्चनाताई पाटील चाकूरकर यांनी बुधवारी सकाळी जिल्हा क्रीडा संकुल येथे मॉर्निंग वॉक करत तेथे वॉकिंग आणि व्यायामासाठी जमलेल्या लातूरकर नागरिकांशी संवाद साधला.

बदलत्या जीवनमानामुळे आरोग्य समस्यांमध्ये वाढ होत आहे.रक्तदाब,मधुमेह यासारखे आजार वाढत असल्याने ते टाळण्यासाठी मॉर्निंग वॉक करणाऱ्यांची संख्याही दिवसेंदिवस वाढत आहे.स्वतः डॉक्टर असणाऱ्या अर्चनाताईंना आरोग्य विषयक समस्यांची जाण असल्याने अशा व्यक्तींची त्यांनी संपर्क व संवाद साधला.

यावेळी शिवसेना संपर्कप्रमुख  जाधव,भाजयुमोचे प्रदेश उपाध्यक्ष अजित पाटील कव्हेकर,आदिसह अनेक मान्यवर व  पदाधिकाऱ्यांची उपस्थिती होती.सर्वांनी आपल्या आरोग्याची काळजी घ्यावी.बदलत्या जीवनशैलीत आजार होण्यापूर्वीच दक्षता घ्यावी. आजाराची लक्षणे दिसत असतील तर वेळीच उपचार घ्यावेत,असे सांगतानाच लातूर शहर मतदारसंघाला झालेल्या आजारावर उपचार करण्यासाठी दि.२०नोव्हेंबर रोजी होणाऱ्या मतदानात कमळाचे बटन दाबून आपल्याला विधानसभेत पाठवावे,असे आवाहनही डॉ. अर्चनाताई पाटील चाकूरकर यांनी यावेळी बोलताना केले.

चहा आणि पोह्यांचा घेतला आस्वाद..

मॉर्निंग वॉक करत नागरिकांशी संवाद साधल्यानंतर डॉ.अर्चनाताई पाटील चाकूरकर क्रीडा संकुलाच्या बाहेर पडल्या. रस्त्याने जात असताना क्रीडा संकुलाच्या बाहेरील बाजूस असणाऱ्या हॉटेल व्यवसायिकांचे अभिवादन स्वीकारत त्या पुढे जात होत्या.त्यापैकीच एकाने ताईंना पोहे खाण्याचा आग्रह केला असता ताईंना त्यांचा आग्रह मोडता आला नाही. पोह्याचा आस्वाद घेऊन पुढे जाताना आणखी एका हॉटेल मधून ताईंना चहाचाही आग्रह झाला.ताईंनी त्याचाही आस्वाद घेतला.आजवर गाडीच्या काचा बंद करून धुरळा उडवीत जाणारे लोकप्रतिनिधी अनुभवणाऱ्या लातूरच्या व्यवसायिकांसाठी हा अनुभव नवाच होता. अनेकांनी हे क्षण आपल्या मोबाईल मध्ये कॅमेराबद्ध करून घेतले.