Maharashtra Assembly Election 2024 : सत्ता मिळवण्यासाठी उद्धव ठाकरे हे बाळासाहेब ठाकरेंची सर्व तत्त्वे विसरले असल्याचा आरोप त्यांनी केला. औरंगाबादच्या नामांतरला विरोध करणारे, राम मंदिराच्या उभारणीला विरोध करणारे, कलम 370 हटवण्यास विरोध करणारे, पाकिस्तानविरुद्धच्या सर्जिकल स्ट्राईकवर आक्षेप घेणाऱ्या औरंगजेब फॅन क्लबसोबत उद्धव ठाकरे असल्याचा आरोप त्यांनी केला. तर दुसरीकडे आम्ही छत्रपती शिवाजी महाराज आणि सावरकर यांच्या तत्त्वांनुसार काम करणारे लोक आहोत, असे म्हणत शहांनी उद्धव ठाकरेंवर निशाणा साधला.
.jpeg)
धुळे जिल्ह्यातील जाहीर सभेत केंद्रीय गृहमंत्री अमित शहा यांनी उद्धव ठाकरे, राहुल गांधी आणि काँग्रेस पक्षावर जोरदार टीका केली. राज्यातील महाविकास आघाडी केवळ तुष्टीकरण करत असल्याचा आरोप त्यांनी केला.
चौथी पिढी जरी आली तर मुस्लिमांना आरक्षण नाही
राहुल गांधी यांनी कान उघडे ठेवून ऐकवे, की तुमची चौथी पिढी आली तरी देखील मुस्लिम समाजाला आरक्षण देता येणार नाही. मुस्लिम समाजाला आरक्षण द्यायचे असेल तर एससी, एसटी, ओबीसी आणि इतर समाजातील आरक्षण कमी करून द्यावे लागणार आहे. मात्र ते होणे शक्य नसल्याचे अमित शहा यांनी म्हटले आहे. देशातील सर्व उलेमांनी काँग्रेस पक्षाच्या अध्यक्षांची भेट घेतली असून त्यांच्याकडे आरक्षणाची मागणी केली असल्याचे अमित शहा यांनी म्हटले आहे. या मुद्द्यावरून अमित शहा यांनी राहुल गांधी यांच्यावर देखील जोरदार हल्ला चढवला.
राहुल गांधी जरी स्वर्गातून आल्या तरी कलम हटणार नाही
जम्मू-काश्मीरमध्ये 370 कलम वापस आणण्याचा प्रस्ताव काँग्रेसने केला आहे. मात्र राहुल गांधीच नाही तर इंदिरा गांधी देखील स्वर्गातून परत आल्या तरी 370 कलम परत आणू शकत नसल्याचे अमित शहा यांनी म्हटले आहे. कलम 370 आता हटवण्यात आले असल्याचे अमित शहा यांनी म्हटले आहे. सुशील कुमार शिंदे गृहमंत्री असताना कश्मीरमधील लाल चौकात जायला भीती वाटत असल्याचे म्हणाले होते. मात्र आता तुम्ही गृहमंत्री नाही तर मी गृहमंत्री आहे. तुमच्या नातवांना घेऊन काश्मीरला जा, तुमच्या केसांना देखील धक्का लागणार नसल्याचे आव्हान यावेळी अमित शहा यांनी सुशीलकुमार शिंदे यांना दिले आहे.
.jpeg)
