अजय देवगणमुळे सिंगल राहिली तब्बू;आजही आहे तिच्या मनात खंत

मुंबई- तब्बू ही बॉलिवूडमधील प्रसिद्ध आणि दिग्गज अभिनेत्रींपैकी एक म्हणून ओळखली जाते. तिने आपल्या अभिनयाचने कायमच प्रेक्षकांची मनं जिंकून घेतली आहेत. तब्बूचा जन्म 4 नोव्हेंबर 1971 रोजी हैदराबादी मुस्लिम कुटुंबात झाला. आज तिचा 53 वा वाढदिवस साजरा करत आहे. तिचे खरे नाव तबस्सुम फातिमा हाश्मी आहे, परंतु अभिनयात पदार्पण केल्यानंतर तिने तिचे नाव बदलून तब्बू ठेवले.

तब्बूने कशी केली चित्रपटसृष्टीत पदार्पण 

तब्बूचे आई-वडील प्रोफेसर होते. तिचे शालेय शिक्षण हैदराबाद येथून झाले. त्यानंतर महाविद्यालयीन शिक्षणासाठी ती मुंबईत आली. कॉलेजच्या दुसऱ्या वर्षानंतर तब्बूने अभिनयाच्या जगात येण्याचा निर्णय घेतला. तब्बूने तिच्या फिल्मी करिअरची सुरुवात १९८० मध्ये आलेल्या 'बाजार' सिनेमातून केली होती. या चित्रपटात तिची छोटीशी भूमिका होती. त्यानंतर ती 'हम नौजवान' चित्रपटात दिसली. या चित्रपटात तिने देवानंद यांच्या बहिणीची भूमिका साकारली होती. 'प्रेम' हा तिचा प्रमुख भूमिका म्हणूनचा पहिला सिनेमा होता. हा चित्रपट १९९५ मध्ये आला होता. या चित्रपटात तब्बूसोबत अभिनेता संजय कपूर मुख्य भूमिकेत होते, मात्र हा चित्रपट बनण्यासाठी ८ वर्षे लागली. त्यामुळे तिचा थिएटरमध्ये रिलीज झालेला पहिला बॉलिवूड चित्रपट 'पहला पहला प्यार' ठरला, या सिनेमात ऋषी कपूर मुख्य भूमिकेत होते.

या चित्रपटात केले तब्बूने काम 

आत्तापर्यंत तब्बूने जीत, माचीस, विरासत, चांदनी बार, चीनी कम, हैदर, दृश्यम, अंधाधुन आणि दे दे प्यार दे सांसारख्या अनेक चित्रपटांमध्ये काम केले. तब्बू नायिका म्हणून तर गाजलीच पण शिवाय खननायिका म्हणून सुद्धा तिने उत्तम काम केले. तब्बूने जाल, हैदर आणि अंधाधुन यांसारख्या चित्रपटांमध्ये नकारात्मक भूमिका साकारून बरीच चर्चा केली होती. तब्बू अजूनही सिंगल आहे. कॉलेजमध्ये असतानाही ती सिंगल होती. तब्बूने तिच्या कॉलेजच्या दिवसांमध्ये सिंगल राहिल्याबद्दल अभिनेता अजय देवगणला दोषी मानले. कॉमेडियन कपिल शर्माच्या शोमध्ये स्वतः तब्बूने याचा खुलासा केला होता. 'दे दे प्यार दे' चित्रपटाच्या प्रमोशनदरम्यान तब्बू अजय देवगणसोबत आली होती.

अजय देवगणमुळे तब्बू राहिली सिंगल

कॉलेजमध्ये सिंगल असल्याबद्दल बोलताना तब्बू म्हणाली होती की, अजय देवगण संपूर्ण कॉलेजमध्ये असं वातावरण तयार केलेलं की कोणी मला प्रपोज करायला किंवा त्यांच्या मनातल्या भावना सांगायचा यायच नाही. तब्बूने सांगितले की, अजय देवगण आणि त्याचे मित्र नेहमीच तिच्या सुरक्षेची काळजी घ्यायचे आणि कॉलेजमध्ये नेहमीच तिच्यासोबत राहायचे. त्यामुळे एकही मुलगा कॉलेजमध्ये तिच्यासमोर आपल्या भावना व्यक्त करु शकला नव्हता. म्हणून ती आजही सिंगल आहे,