हिवाळ्यात आवळा ज्यूस पिणे आरोग्यासाठी खूप फायदेशीर असल्याचे मानले जात आहे. आवळा व्हिटॅमिन सी, अँटीऑक्सिडंट्स आणि पोषक तत्वांनी समृद्ध आहे. जे हिवाळ्यात शरीर निरोगी ठेवण्यास उपयुक्त ठरतो. हिवाळ्यात आवळ्याचा ज्यूस पिण्याचे काही महत्त्वाचे फायदे आहेत. त्याविषयी जाणून घेऊया...!
.jpeg)
प्रतिकारशक्ती मजबूत करते
आवळा व्हिटॅमिन सीचा चांगला स्रोत आहे, जो रोगप्रतिकारक शक्ती मजबूत करतो. हिवाळ्यात वाढत्या थंडीमुळे सर्दी आणि फ्लूचा धोका वाढतो, जो आवळ्याचा रस पिऊन कमी करता येतो.
त्वचा निरोगी आणि चमकदार ठेवते
हिवाळ्यात त्वचा कोरडी होते आणि आवळ्यामध्ये अँटीऑक्सिडंट असतात जे त्वचेला मॉइश्चरायझिंग आणि आतून चमक ठेवण्यास मदत करतात.
पचनक्रिया सुधारते
आवळ्याचा रस प्यायल्याने पचनसंस्था निरोगी राहते. यामध्ये असलेले फायबर पचनाला चालना देते आणि बद्धकोष्ठतासारख्या समस्यांपासून मुक्त होण्यास मदत करते.
वजन कमी करण्यास उपयुक्त
आवळा मेटाबोलिज्म गतिमान करतो आणि शरीरातील विषारी पदार्थ काढून टाकतो, ज्यामुळे वजन कमी होण्यास मदत होते. हिवाळ्यात आवळ्याचा रस प्यायल्याने वजन नियंत्रित राहण्यास मदत होते.
केसांसाठी फायदेशीर
आवळ्याचा रस केसांच्या मुळांना पोषण देतो आणि केस मजबूत करतो तसेच केस गळणे कमी करतो. आवळ्याचा रस हिवाळ्यात केसांची काळजी घेण्यासाठी फायदेशीर आहे.
मधुमेह पेंशटसाठी उपयुक्त
आवळ्यामध्ये क्रोमियम नावाचे तत्व असते जे रक्तातील साखरेचे प्रमाण नियंत्रित ठेवण्यास उपयुक्त आहे, जे मधुमेहाच्या रुग्णांसाठी फायदेशीर आहे.
हृदयासाठी फायदेशीर
आवळ्यामध्ये असलेले अँटी-ऑक्सिडंट्स आणि फायबर हृदयासाठी फायदेशीर आहेत. हे कोलेस्ट्रॉल नियंत्रित करते आणि सामान्य रक्तदाब राखते.
मूत्र प्रणाली निरोगी ठेवते
आवळ्याचा रस शरीराला डिटॉक्स करतो आणि मूत्रमार्ग स्वच्छ ठेवण्यास मदत करतो. हिवाळ्यात डिटॉक्सिफिकेशनची गरज असते, त्यात आवळ्याचा रस फायदेशीर ठरतो. हिवाळ्यात आवळ्याचा ज्यूस प्यायल्याने आतून निरोगी तर राहतेच पण त्वचा आणि केसांसाठीही फायदेशीर ठरते.
