Prajakta Mali in Ghrishneshwar Temple Visit : मागील काही दिवसांपासून अभिनेत्री प्राजक्ता माळी बरीच चर्चेत आहे. तिची निर्मिती असलेल्या फुलवंती या सिनेमालाही खूप यश मिळालं. मध्यंतरी भाजपा आमदार सुरेश धस यांनी केलेल्या विधानामुळे ती चर्चेत आली होती. सुरेश धस यांच्या आरोपांवर प्राजक्ताने पत्रकार परिषद घेत उत्तर दिलं होतं. फुलवंतीच्या सिनेमाच्या सफलतेनंतर प्राजक्ता देशातील १२ ज्योतिर्लिंगाच्या दर्शनाला गेली होती. आणि आता पत्रकार परिषदेनंतर तिने पुन्हा या यात्रेला सुरुवात केली आहे.
.jpeg)
प्राजक्ताचा चाहता वर्ग खूप मोठा आहे. ती सोशल मीडियावरही खूपच सक्रिय असते. करिअर आणि वैयक्तिक जीवनातील अपडेट्स ती चाहत्यांना देत असते. फुलवंतीच्या यशानंतर १२ ज्योतिर्लिंगाची यात्रा प्राजक्ता करते आहे. आत्तापर्यंत तिने सोमनाथ ज्योतिर्लिंग(गुजरात),श्री नागेश्वर ज्योतिर्लिंग (द्वारका , गुजरात), श्री ओंकारेश्वर ज्योतिर्लिंग (मध्य प्रदेश), श्री महाकालेश्वर ज्योतिर्लिंग (उज्जैन) या ज्योतिर्लिंगाचं दर्शन घेतलं आहे. याचे फोटो प्राजक्ताने इन्स्टाग्रामवर शेअर केले होते.
आता प्राजक्ताने महाराष्ट्रातील छत्रपती संभाजीनगर येथील श्री घृष्णेश्वर ज्योतिर्लिंगाचे दर्शन घेतले. येथील शिवमंदिराला भेट देत अभिनेत्री नतमस्तक झाली.याचे फोटो तिने नुकतेच चाहत्यांसोबत शेअर केले आहेत. अभिनेत्रीने शिवज्योतिर्लिंग यात्रेला पुन्हा सुरुवात केल्याचं म्हटलं आहे. 'फुलवंती' या अलिकडेच प्रदर्शित झालेल्या सिनेमात प्राजक्ताने मुख्य भूमिका साकारली. तर या सिनेमाच्या निमित्ताने प्राजक्ताने निर्मिती क्षेत्रात पाऊल टाकून नव्या इनिंगला सुरुवात केली आहे.
