रेशनकार्ड धारकांसाठी आता 'ही' नवीन प्रणाली येणार! जाणून घ्या सविस्तर!

New system now for ration card holders : वंदना वेदपाठक : शासनाने रेशन कार्डधारकांसाठी एक महत्त्वाचा निर्णय घेतला असून आता लवकरच प्रिंट स्वरूपातील रेशन कार्ड बंद होणार आहे.

रेशन कार्ड प्रिंट स्वरूपात उपलब्ध होणार नाही. रेशनकार्डाची छपाई बंद करण्यात आली असल्यामुळे राज्यातील नागरिकांना आता ई-रेशनकार्डचा पर्याय वापरावा लागणार आहे.याबाबतची माहिती नागपूर जिल्हा अन्नपुरवठा अधिकारी आनंद पडोळे यांनी दिली आहे.

जुन्या रेशनकार्डधारकांसाठी नो प्रॉब्लेम! 

परंतु याचा परिणाम जुन्या रेशनकार्डधारकांवर होणार नाही. त्यांना जुन्यास रेशनकार्डवरून योजनांचा लाभ घेता येईल. मात्र, नव्या अर्जदारांना प्रिंट स्वरूपात रेशनकार्ड दिले जाणार नाही. याऐवजी ई-रेशनकार्ड प्रणाली लागू करण्यात येणार आहे. महत्वाचे म्हणजे, ई-रेशनकार्डमध्ये पिवळे, पांढरे आणि केशरी रंगाच्या कार्डचा देखील समावेश असणार आहे. यामुळे लाभार्थी कोणत्या गटात येतात हे समजेल.

Dhages

रेशन आणि आधारकार्ड लिंकिंग अनिवार्य

आणखी महत्त्वाचं म्हणजे रेशनकार्ड आणि आधारकार्ड लिंकिंग अनिवार्य करण्यात आल्याने सर्व नोंदी डिजिटल माध्यमातून व्यवस्थापित केल्या जात आहेत. परिणामी प्रिंट स्वरूपातील रेशनकार्डची गरज कमी झाली आहे.

राज्य सरकारकडे उरलेली शिधापत्रिका वाटप झाल्यानंतर फक्त ई-रेशनकार्ड प्रणाली सुरू करण्यात येणार आहे. परिणामी, ई-रेशनकार्डमुळे डिजिटल पारदर्शकता वाढेल, यात शंकाच नाही!