Maharashtra Assembly Election : 2024 महाराष्ट्र मुख्यमंत्री कोण होणार याबाबत चर्चा सुरू आहेत. भाजपला बहुमत असल्याने मुख्यमंत्री पदासाठी देवेंद्र फडणवीसांचे नाव निश्चित झाल्याची माहिती सुत्रांकडून मिळाली होती. आता देवेंद्र फडणवीस दिल्लीला रवाना झाले आहेत. दिल्ली येथे एका खासगी कार्यक्रमात सहभागी होणार आहेत. त्यानंतर अमित शहा यांच्यासोबत बैठक होणार आहे. रात्री साडे 10 वाजता ही बैठक होणार असून या बैठकीत मुख्यमंत्री पदाबाबत काही निर्णय होण्याची शक्यता आहे.
RCC New
सरकार स्थापनेसाठी महायुतीकडून हालचाली करण्यात येत आहेत. दिल्लीत मुख्यमंत्री पदाबाबत चर्चा होणार आहे. देवेंद्र फडणवीस आज सायंकाळी दिल्ली रवाना झाले असून रात्री साडे 10 वाजता त्यांची अमित शहांसोबत बैठक होणार असल्याचे माहिती आहे. फडणवीसांपाठोपाठ अजित पवार आणि एकनाथ शिंदे हे देखील दिल्लीला जाऊ शकतात. देवेंद्र फडणवीस आणि अमित शहा यांच्या बैठकीत अजित पवार आणि एकनाथ शिंदे सहभागी होणार असल्याची चर्चा आहे.
.jpeg)
अमित शहा यांच्या निवासस्थानी ही बैठक होणार आहे. मुख्यमंत्री पदाबाबतचा फॉर्म्युला किंवा मुख्यमंत्री कोण हे ठरणार आहे. एकनाथ शिंदे यांना किती वर्षांसाठी मुख्यमंत्री पद द्यायचे तसेच अजित पवारांना द्यायचे की नाही, याबाबतची अंतिम चर्चा या बैठकीत होणार आहे. तसेच या बैठकीत राज्य कॅबिनेट मंत्रिमंडळाचा देखील निर्णय होणार असल्याची माहिती आहे. याबाबत आज निर्णय झाल्यास उद्या नव्या सरकारचा शपथविधीचा कार्यक्रम पार पडण्याची शक्यता आहे.
Sakhi
MVA विरोधी पक्षनेत्याबाबात संयुक्त दावा करू शकते
विधानसभा निवडणुकीत, कोणत्याही विरोधी पक्षाला सभागृहात विरोधी पक्षनेत्यासाठी आवश्यक जागा मिळालेल्या नाहीत. नियमांनुसार, विधानसभेच्या किमान 10% जागा जिंकणाऱ्या विरोधी पक्षाला हे पद दिले जाते. अनेक पक्षांना यापेक्षा जास्त जागा मिळाल्या असतील तर सर्वाधिक जागा मिळविणाऱ्या विरोधी पक्षाला हे पद दिले जाते. यावेळी तसे नाही, त्यामुळे MVA संयुक्त विरोधी पक्ष पदावर दावा करू शकते, यासंदर्भात राज्यपालांना पत्र लिहिले जाऊ शकते.
